आवाज डेस्क | सीएम जे फिल्म्स केर बैनर मे शीघ्रहि आबि रहल मैथिली धारावाहिक ‘कुच्ची’क आइ टाइटल सांग(लिरिकल) रिलीज कयल गेल। मूलतः मिथिला पेंटिंगक एकटा कलाकारक जीवन संर्घष सँ सफलता धरिक यात्रा पर केंद्रित ई धारावाहिक नेशनल टीवी चैनल पर शीघ्रहि प्रसारि होयत। एहि धारावाहिक निर्माता डॉ. सी एम झा छथि त’ ओतहि निर्देशक संजीव कुमार बिट्टू छथि। जनतब दी जे एहि टाइटल सांग केँ प्रसिद्ध साहित्यकार अजित आजाद लिखने छथि त’ संगीत सुरेश आनंदक अछि। एहि गीत केँ मिथिला चैप्टरक यूट्यूब चैनल पर सुनल जा सकैए।
जनतब इहो जे एहि धारावाहिक मे प्रसिद्ध अभिनेत्री ज्योति झा, निधि चौधरी, अमरजीत राय, सागर सिंह, शिवम झा, नव्या, पीहू, पवन झा, गुंजन श्री सहित मारिते कलाकार मुख्य भूमिका मे छथि। धारावाहिकक लेखन शिवेश झा शिव कयने छथि, त’ छायांकन अविनाश सिंहक अछि।
