सरहसा | जिलाक कहरा प्रखंड केर दिवारी स्थित विषहरा मंदिर मे माता मनसा देवीक प्रतिमाक प्राण प्रतिष्ठा समारोह केर आयोजन कयल गेल। ई अभिषेक समारोह, जे कि तीन दिन सँ चलि रहल अछि, पंडित लालेश्वर झा, पंडित पशुपति झा, लड्डू बाबा आ यजमान दिनेश चंद्र यादव केर हाथ सँ संपन्न भेल।
अवसर पर सांसद श्री यादव कहलनि जे माता विषहरा मंदिर 154 फीट ऊँच नागर शैली मे बनल अछि। जे एहि इलाकाक लेल आकर्षणक केंद्र बनि गेल अछि आ पर्यटक सभक मोन केर शांति देबय वला स्थल सेहो बनि गेल अछि। ओ कहलनि जे माता बिषहराक पांच बहिनक बीच माता मनसा देवी बहुत प्रसिद्ध छथि। देशक अन्यान्य भाग मे सेहो हिनक कतेको भव्य मंदिर बनल अछि। जे भक्त लोकनिक लेल श्रद्धाक केंद्र अछि। सांसद दिनेश चंद्र यादव माँ मनसा देवी केर प्रतिमाक पूजा सेहो कयलनि। भगवती मनसा देवीक प्राण प्रतिष्ठा पंडित पशुपति बाबू, लाल बाबा बसौना, लड्डू बाबा आदि पंडित द्वारा भोर 11 बजे सँ दुपहर 1 बजेक बीच कयल गेल। प्राचीन माँ विषहरा भगवती मंदिर दीवारी स्थान मे माँ मनसा देवीक स्थापनाक लेल 3 दिन धरि पूजा-पाठ, हवन-पूजन अनुष्ठान कयल गेल। एहि महायज्ञ हजारो भक्त लोकनि भाग लेलनि। जानल जाय जे तंत्र मंत्र आ साधनाक स्थानक रूप मे प्रसिद्ध एहि मंदिरक प्रसिद्धि दूर-दूर तक पसरल अछि। सावन मास मे मेला आ अन्य धार्मिक आयोजन एहिठाम होइत अछि। एहि अवसर पर पूर्व विधायक डॉ. अरुण यादव, समाजसेवी छत्री यादव, राजनीतिक कार्यकर्ता शैलेन्द्र शेखर, मुखिया संघक जिला अध्यक्ष विनय कुमार, मंदिर समिति सदस्य राम बहादुर यादव,अभिषेक कुमार,मंदिर के पुजारी बुधन भगता, उपेन्द्र भगता, चंदन भगता एवं संत कुमार सहित अन्यान्य लोक उपस्थित रहलाह।
